2022-öд вося март тöлысьын Изьва школаын вöлi коми кывлы да коми литературалы сиöм декада. Школаса коридорын стенъяссö уна лун мичмöдiсны велöдчысьяслöн уджъяс. Кутшöм енбиаöсь миян челядь! Окотапырысь найö и серпасасисны, и гижисны, и лыддисны мича коми кывъя висьтъяс да кывбуръяс, и викторинаясö пырöдчисны, и телепонъясö коми рингтонъяс пырталiсны, и весиг донъялiсны öта-мöдныслысь уджъяссö.

Ыджыдджык ёртъяс вылö видзöдiгöн декадаö пырöдчисны тшöтш и начальнöй класса велöдчысьяс.

Окота пасйыштны конкурсъясын медбура петкöдчысьясöс:

«Мичаа гижам»/ «Самый красивый почерк» конкурсын вермысьöн лоис 10-öд класса велöдчысь Залюбовская Екатерина. Сiдзжö медбуръяс лыдын лоисны: Истомина Олеся – 7 б класс, Королёва Мария – 6 а  класс, Забоева Дарья – 7 б класс, Артеев Максим – 6 а класс, Кожевин Ренат – 6 а класс, Филиппова Алина – 7 а класс, Артеева Маргарита – 10 а класс , Семяшкина Кристина – 6 в класс, Жигалова Ксения – 10 б класс.

Уна удж челядь дасьтiсны и «Медмича тетрадь либö небöг кыш» конкус вылö. Велöдчысьяслы колi серпасавны коми кывйысь уджъяс вылö тетрадь кыш либö вöчны неважöн лыддьöм коми кывъя гижöд дорö серпас. Тайö конкурсын медбурöн лоис  7 в класса велöдчысь Ивачёв Даниллöн уджыс. Сiдзжö баллъяс серти медбуръяс лыдын лоисны: Рочева Валерия - 6 а класс, Холкин Валерий - 6 в класс, Братенкова Надежда - 6 в класс, Артеева Виктория - 7 а класс, Витязев Сергей -10 а класс, Норкина София - 3 а класс, Терентьева Екатерина - 6 б класс, Немчинова Ярослава - 6 в класс, Конев Дмитрий - 11 класс.

 "Коми кывйӧн сёрнитны ме кужа" выразительнöя лыддьысян конкурсын вермысьясöн лоисны  6 в класса велöдчысь Чупрова Лада (поэзия) да 7 а класса велöдчысь Рочев Матвей (проза). Приза местаяс босьтiсны и Артеева Майя – 6 в класс, Канева Юлия – 6 б класс, Терентьева Екатерина – 6 б класс, Дуркин Данил да Терентьев Данил – 6 а класс, Жигалова Ксения – 10 б класс.

Окота шуны зэв ыджыд аттьö и челядьлы, и велöдысьяслы декадаö пырöдчöмысь!  Зэв ыджыд аттьö коми кыв да коми литература пыдди пуктöмысь!

                                                                                   Изьва школаын коми кыв велöдысьяс